SAMWASA YAIMARISHA USALAMA WA SAME NA MWANGA KWA KUFUNGA 'FIRE HYDRANTS' KWA AJILI YA DHARURA ZA MAOKOZI.

SAMWASA YAIMARISHA USALAMA WA SAME NA MWANGA KWA KUFUNGA 'FIRE HYDRANTS' KWA AJILI YA DHARURA ZA MAOKOZI.

Na Musa Mathias
Kilimanjaro.

Mamlaka ya Maji Safi na Usafi wa Mazingira Same–Mwanga (SAMWASA) imechukua hatua madhubuti ya kuimarisha usalama wa jamii kwa kufunga mifumo ya kisasa ya maji ya dharura (Fire Hydrants) katika maeneo ya kimkakati wilayani Same na Mwanga mkoani Kilimanjaro.

Uwekaji wa miundombinu hiyo ni sehemu ya mkakati wa makusudi wa kurahisisha kazi ya Jeshi la Zimamoto na Uokoaji kwa kuhakikisha magari ya zimamoto yanapata maji kwa haraka na kwa urahisi pindi majanga ya moto yanapotokea, tofauti na hali ya awali ambapo hakukuwa na vituo hivyo.

Akizungumza kuhusu mpango huo, Mkurugenzi Mtendaji wa SAMWASA, Mhandisi Rashid Shaban, amesema uamuzi wa kufunga Fire Hydrants umejikita katika kulinda maisha na mali za wananchi ambao wamekuwa wakihudumiwa na mradi wa maji wa Same-Mwanga-Korogwe, akibainisha kuwa uwepo wa vituo hivyo utawezesha huduma za uokoaji kuwa za wakati na kwa ufanisi zaidi.
Ameongeza kuwa uboreshaji wa miundombinu ya maji ni jibu la moja kwa moja kwa changamoto za kiutendaji zilizokuwa zikilikabili Jeshi la Zimamoto katika ukanda wa barabara kuu ya Dar es Salaam - Kilimanjaro hasa katika wilaya za Same na Mwanga, Same ni moja ya eneo ambalo limekuwa likishuhudia matukio ya dharura mara kwa mara.
Kumbukumbu ya tukio la kusikitisha la Juni 28, 2025, katika eneo la Sabasaba wilayani Same, bado ipo hai baada ya mabasi mawili kugongana na kusababisha mlipuko wa moto uliosababisha vifo takribani 42 na majeruhi. Tukio hilo lililoibua simanzi kubwa kitaifa, lilionesha kwa wazi uhitaji wa vituo vya kudumu vya kuzima moto pamoja na upatikanaji wa maji ya uhakika ili kukabiliana na majanga kama hayo kwa ufanisi.
Katika hatua ya kuimarisha uwezo wa uokoaji, Serikali mnamo Desemba 5, 2025, ilikabidhi gari jipya na la kisasa la Zimamoto na Uokoaji kwa Wilaya ya Same. Hafla ya makabidhiano iliongozwa na Mkuu wa Mkoa wa Kilimanjaro, Nurdin Babu, aliyemkabidhi gari hilo Mkuu wa Wilaya ya Same huku akisisitiza umuhimu wa kulitunza na kulihifadhi gari hilo kwa uangalifu mkubwa.

Alibainisha kuwa gari hilo ni ukombozi kwa wananchi wa Same, hivyo ni wajibu wa kila mdau kuhakikisha linabaki katika hali nzuri ya kiutendaji kwa manufaa ya jamii ambapo Mkuu wa Wilaya ya Same aliahidi kulisimamia gari hilo kwa weledi na kuwasihi wananchi kutoa taarifa sahihi na za haraka pindi dharura zinapotokea ili kurahisisha kazi ya vyombo vya uokoaji.

Kwa kutambua umuhimu wa ushirikiano wa taasisi, SAMWASA imeamua kushirikiana kwa karibu na Jeshi la Zimamoto na Uokoaji kwa kuweka miundombinu ya maji itakayorahisisha utekelezaji wa majukumu yao. Hatua hiyo imepokelewa kwa furaha kubwa na uongozi wa Kata ya Same pamoja na wananchi kwa ujumla, ambao hapo awali walishuhudia madhara makubwa ya moto kutokana na ukosefu wa maji na vifaa stahiki.

Mamlaka hiyo imetoa wito kwa wananchi kutambua kuwa wao ndio walinzi wa kwanza wa miundombinu ya maji na uokoaji iliyowekwa. Imeelezwa kuwa utunzaji wa vituo vya Fire Hydrants ni jukumu la kila mkazi, kwani kuharibu au kuingilia miundombinu hiyo ni kuhatarisha usalama wa jamii nzima.

Wananchi wamehimizwa kulinda na kuitunza miundombinu hiyo ili iweze kutoa msaada uliokusudiwa wakati wa majanga, na hivyo kuokoa maisha na mali za watu wa Same na Mwanga. Hatua hii inaashiria mwanzo mpya wa usalama wa majanga ya moto katika ukanda wa Same na Mwanga, ambapo ushirikiano wa taasisi na wananchi unatarajiwa kuokoa maisha na mali.

Mwisho.
Karibu, Kipeo Online Media ni chombo cha habari cha mtandaoni chenye kuleta taarifa za kina na za kuaminika.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more