UWAJIBIKAJI NA USIMAMIZI MADHUBUTI KUPEWA KIPAUMBELE KATIKA UJENZI WA MADARASA.

UWAJIBIKAJI NA USIMAMIZI MADHUBUTI KUPEWA KIPAUMBELE KATIKA UJENZI WA MADARASA.

Na Mwandishi Wetu. 
Tunduru.
 

Jimbo la Tunduru Kusini imekuja na mfumo mpya wa matumizi ya Mfuko wa Jimbo baada ya kupitisha Shilingi milioni 65.9 kwa mkakati maalum wa kutatua changamoto ya madarasa, tofauti na utaratibu wa awali wa kugawa fedha kidogo kidogo katika miradi mingi isiyoonekana matokeo yake kwa wananchi.

Uamuzi huo ulifikiwa katika kikao cha Kamati ya Mfuko wa Jimbo kilichofanyika katika Ukumbi wa Halmashauri ya Wilaya ya Tunduru, kikiongozwa na Mwenyekiti wa Kamati hiyo ambaye pia ni Mbunge wa Jimbo la Tunduru Kusini, Mhandisi Fadhili Chilombe.
Kwa mujibu wa maazimio ya kikao hicho, zaidi ya mifuko 1,800 ya saruji itanunuliwa kwa ajili ya kufyatua tofali yatakayotumika kujenga madarasa katika shule mbalimbali za jimbo hilo. Lengo ni kupunguza kwa kiasi kikubwa uhaba wa vyumba vya madarasa na kuboresha mazingira ya kujifunzia na kufundishia.

Akizungumza katika mahojiano baada ya kikao hicho,Mhandisi Fadhili Chilombe alieleza kuwa huu ni mfumo mpya kabisa ambao haujawahi kutekelezwa na watangulizi wake katika Jimbo la Tunduru Kusini.
Alibainisha kuwa kwa muda mrefu fedha za Mfuko wa Jimbo zilikuwa zikigawanywa katika miradi mingi kwa kiwango kidogo, hali iliyosababisha kutokuonekana kwa matokeo yenye athari kubwa kwa wananchi wa kawaida.

“Badala ya fedha kusambazwa kidogo kidogo bila kuacha alama, sasa tunaelekeza nguvu katika eneo moja lenye uhitaji mkubwa ili matokeo yake yaonekane wazi na yawe ya kudumu,” alisema.

Aliongeza kuwa mpango huo umewekwa kwa mtazamo wa miaka mitano, ukilenga kumaliza changamoto ya miundombinu ya madarasa katika shule za jimbo hilo, badala ya kuendelea na miradi midogo midogo isiyotoa suluhisho la kudumu.

Wajumbe wa kamati walisisitiza umuhimu wa usimamizi madhubuti katika ununuzi wa saruji, ufundi wa kufyatua tofali na utekelezaji wa ujenzi, wakieleza kuwa uwajibikaji na mawasiliano ya karibu vitakuwa msingi wa mafanikio ya mkakati huo mpya wa maendeleo.






Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more