TANZANIA YASIHI MATAIFA NA MASHIRIKA YA KIMATAIFA KUSHIRIKIANA KATIKA KUWEKA MIFUMO INAYOTAMBUA MCHANGO WA WANAWAKE KATIKA MAENDELEO YA VIWANDA



Wito huo ulitolewa na Balozi na Mwakilishi wa Kudumu wa Jamhuri ya Muungano wa Tanzania kwenye Umoja wa Mataifa, Vienna, Mhe. Naimi S.H. Aziz, alipomwakilisha Mhe. Dkt. Samia Suluhu Hassan, Rais wa Jamhuri ya Muungano wa Tanzania kwenye Mkutano wa Ngazi ya Juu Kuhamasisha Utambuzi wa Mchango wa Wanawake katika Maendeleo ya Viwanda (High level Dialogue on Mobilizing Recognition of Women in Industries: Next Step) uliofanyika tarehe 25 Novemba, 2025 wakati wa Mkutano Mkuu wa 21 wa Shirika la Umoja wa Mataifa la Maendeleo ya Viwanda (UNIDO’s General Conference) unaoendelea jijini Riyadh, Saudi Arabia.

Akichangia mjadala huo kama mwanajopo (panelist), Balozi Naimi Aziz alieleza kuwa wanawake wana mchango mkubwa katika maendeleo ya viwanda, japo hawatambuliwi na kuwezeshwa ipasavyo. Alieleza kuwa, wanawake wanakabiliwa na changamoto mbalimbali katika kushiriki uchumi jumuishi wa viwanda ikiwa ni pamoaja na mifumo dume, ukosefu wa mitaji, teknolojia za uzalishaji na masoko. Alizisihi Serikali za Nchi Wanachama wa UNIDO na Mashirika ya Kimataifa kushirikiana katika kuimarisha upatikanaji wa fedha, ubunifu wa teknolojia na masoko kwa wajasiriamali wanawake; kuwajengea uwezo wa kiufundi na ujasiriamali; kuweka mifumo ya usawa wa kijinsia katika mipango ya maendeleo ya taifa; na kuimarisha uongozi shirikishi na mifumo ya maamuzi katika viwanda.

Balozi Naimi Aziz anamwakilisha Mhe. Dkt. Samia Suluhu Hassan, Rais wa Jamhuri ya Muungano wa Tanzania kwenye Mkutano Mkuu wa 21 wa Shirika la Umoja wa Mataifa la Maendeleo ya Viwanda (UNIDO’s General Conference) uliaonza tarehe 23-27 Novemba, 2025 jijini Riyadh, Saudi Arabia.

Mkutano huo uliowaleta pamoja viongozi wa mataifa mbalimbali wanachama wa UNIDO na washirika wa maendeleo wa kimataifa unajadili mwelekeo mpya wa mapinduzi ya viwanda duniani, kuhamisisha uwekezaji, kuchochea maendeleo ya sekta binafsi, mchango wa wanawake katika maendeleo ya viwanda, na kuhamasisisha mchango wa viwanda vya uzalishaji katika maendeleo ya kiuchumi.

Pia, Mkutano huo unahudhuriwa na Naibu Katibu Mkuu wa Wizara ya Maendeleo ya Jamii, Jinsia, Wanawake na Makundi Maalum, Bi. Felister Mdemu; Mkurugenzi wa Maendeleo ya Viwanda wa Wizara ya Viwanda na Biashara, Bw. Juma Mwampamba; Afisa Maendeleo ya Jamii Mkuu kutoka Wizara ya Maendeleo ya Jamii, Jinsia, Wanawake na Makundi Maalum, Bw. Josiah Saoke; Afisa Ubalozi Mwandamizi kutoka Uwakilishi wa Kudumu wa Tanzania kwenye Umoja wa Mataifa-Vienna, Bw. Gerald Mbwafu; na Afisa Biashara kutoka Wizara ya Viwanda na Biashara, Bw. Israel Tumaini.



Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more