VIJANA MTWARA WATAKA FURSA



Na. OR – MV, Mtwara

Vijana wa mkoa wa Mtwara wamesema wanahitaji Serikali iwasaidie kuweka mazingira wezeshi ili fursa za kiuchumi zilizopo ziwasaidie kuzalisha ajira na kudumisha amani ikiwa ni matunda ya kuanzishwa wizara ya vijana kwa mara ya kwanza nchini.

Akizungumza kwa nyakati tofauti wakati na vijana, Waziri wa Nchi Ofisi ya Rais Maendeleo ya Vijana na mbunge wa Mtwara Mjini Joel Nanauka (29 Novemba 2025) mjini Mtwara alisema Serikali itatumia muda mwingi kutafuta fursa za maendeleo kwa vijana badala ya kudhibiti vijana.

Waziri wa Maendeleo ya Vijana Joel Nanauka aliwaeleza vijana kuwa dhmaira ya kuundwa wizara hiyo ni kutekeleza maono ya Rais Samia Suluhu Hassan ya kuona mawazo na fikra za vijana nchini zinasikika ili kutatua changamoto zao.


Nanauka aliongeza kusema katika kuhakikisha vijana wanapata mitaji na kuwa na uhakika wa kipato amekusidia kuanzisha mfuko maalum wa vijana (Saccos) waendesha pikipiki  na akina mama wajasiliamali ambapo atachangia mfuko uwe na uwezo wa kukopesha vijana itakayowasaidia kuwa na uhakika wa ajira.

Nanauka amewataka vijana wa mkoa wa Mtwara kuitunza amani na kwamba kama alivyoahidi wakati wa uchaguzi, ataendelea kuwa mtumishi wa wote kwa maendeleo ya wote ambapo amewataka vijana wenye mawazo ya ubunifu wa biashara kuwasiliana na ofisi yake ili utaratibu wa kuwasaidia kuboresha mawazo hayo kuwa biashara ufanyike.

Vijana wakizungumza kwenye ziara hiyo  akiwemo Hamza Kalinga mkazi wa kijiwe cha kahawa cha Chilindima alisema vijana wa Mtwara hawahitaji maandamano kwa kuwa hata baaada ya uchaguzi mkuu uliopita hawakushiriki kwenye vurugu badala yake mahitaji yao ni fedha za kuanzisha biashara.


Akiwa katika Stendi ya mabasi ya Mkanaledi Waziri Nanauka alizungumza na vijana ambapo Hussein Said alisema kwa hali ilivyo nchini kwa sasa vijana hawaoni sababu ya kuandamana tena kuchochea ugomvi bali kuhakikisha wanashirikiana na serikali kuibua fursa na kutatua changamoto ikiwemo ukosefu wa mitaji.

Kwa upande wake Tabu Mashaka alimpongeza Waziri wa Vijana kwa uamuzi wake wa kuzunguka mikoani kuzungumza na vijana ambapo amemtaka afikishe salamu kwa Rais Samia Suluhu Hassan kushukuru kwa kuunda wizara ya vijana ili itatue kero.

Nikuombe Waziri kazunguke mikoani, hakuna atakayechokozeka, vijana tuna wizara ya kusemea .Tunampongeza Rais Samia Suluhu Hassan kwa kutupatia wizara hii na kwamba tunakuomba uitendee haki ili maslahi ya vijana yapate kipaumbele” alisema Tabu.

Hata hivyo, kijana Anjira Mussa wa mtaa wa Chilindima alimweleza Waziri huyo kero wanayoipata vijana waendesha pikpiki toka kwa askari Polisi hatua inayowafanya washindwe kutekeleza majukumu yao na kuomba mahusiano ya jeshi hilo na raia yaboreshwe.

Waziri Nanauka yuko mkoani Mtwara kwa ziara ya kikazi ya kukutana na vijana na kusikiliza maoni na mawazo yao kuhusu Tanzania wataitakayo ambapo leo ametembelea mtaa wa Mdenga, Muungano -Chilindima, stendi ya Mkanaledi na stendi ya Mikindani akiwa ameambatana na Naibu Katibu Mkuu wa Ofisi hiyo Dkt. Kedmon Mapama pamoja na viongozi wa Mkoa.



Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more