JAMII YAASWA KUSIMAMA NA KUWAJALI WATOTO WENYE MAHITAJI MAALUM

JAMII YAASWA KUSIMAMA NA KUWAJALI WATOTO WENYE MAHITAJI MAALUM


Na Musa Mathias. 
Same, Kilimanjaro. 

Katika jamii ambayo mara nyingi imekuwa ikisahau au kupuuza mahitaji ya watoto wenye uhitaji maalum, wito umetolewa kwa kila mmoja kusimama na kuwa sehemu ya mabadiliko—kwa kuwatia moyo, kuwajali na kuwapa fursa sawa ya kuishi maisha yenye heshima, matumaini na ndoto zinazoweza kutimia kama ilivyo kwa watoto wengine.

Hayo yameelezwa na wadau mbalimbali wakati wa hafla ya Iftar Gala iliyoandaliwa na Benki ya NMB tawi la Same kwa kushirikiana na wadau wa maendeleo, hafla iliyofanyika katika Shule ya Msingi Same na kuwakutanisha viongozi wa serikali, viongozi wa dini pamoja na jamii kwa ujumla katika kuonesha mshikamano kwa watoto wenye mahitaji maalum.

Akizungumza katika hafla hiyo, Sheikh Mkuu wa Wilaya ya Same, Sheikh Iddy Jumaa, amesema kuwa jukumu la kuwasaidia watoto hao si la serikali pekee bali ni la kila mwanajamii, akisisitiza kuwa upendo, kujali na msaada wa pamoja vinaweza kubadilisha maisha yao na kuwapa nafasi ya kufikia mafanikio.
Kwa upande wake, Katibu Tawala wa Wilaya ya Same, Bi. Mamndolwa Gembe, ameeleza kuwa malezi bora yenye upendo na uangalizi ni msingi muhimu katika kuwajengea watoto hao kujiamini, huku akihimiza jamii kubadili mtazamo hasi na badala yake kuwaunga mkono ili waweze kukua katika mazingira salama na yenye fursa sawa.
Akitoa taarifa ya shule hiyo, Mkuu wa Shule ya Msingi Same, Faustine Richard, amesema kuwa shule ina wanafunzi 45 wenye mahitaji maalum, wakiwemo wavulana 26 na wasichana 19, ambapo baadhi yao ni wasioona, wenye uoni hafifu pamoja na wenye ulemavu wa ngozi, hali inayohitaji uangalizi na msaada wa karibu katika kujifunza.

Ameongeza kuwa licha ya jitihada zinazofanywa na walimu, bado kuna changamoto za uhaba wa vifaa maalum vya kujifunzia pamoja na mahitaji mengine ya msingi, hivyo kuna umuhimu wa wadau na jamii kuendelea kushirikiana katika kuboresha mazingira ya elimu kwa watoto hao.

Kwa upande wake, Meneja wa Benki ya NMB tawi la Same, Bw. Saad Masawila, amesema kuwa wameamua kushiriki futari na watoto hao ikiwa ni sehemu ya kuonesha upendo na mshikamano, huku wakitoa wito kwa wadau mbalimbali kujitokeza na kuunga mkono juhudi hizo kwa kuchangia mahitaji mbalimbali kuelekea sikukuu za Iddi na Pasaka.

Hafla hiyo imeambatana na utoaji wa misaada mbalimbali na kutoa ujumbe mzito kwa jamii kuwa kuwasaidia watoto wenye mahitaji maalum si hisani bali ni wajibu wa pamoja, huku ikihimiza kuondoa unyanyapaa na kujenga jamii yenye upendo, usawa na matumaini kwa kila mtoto.














Mwisho.


Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more