VIJANA 2,550 WAWEZESHWA AJIRA SEKTA YA MADINI KUPITIA MRADI WA MBT.

VIJANA 2,550 WAWEZESHWA AJIRA SEKTA YA MADINI KUPITIA MRADI WA MBT. 

Na Deborah Lemmubi
Dodoma.

Katika kuhakikisha ushiriki wa vijana unaongezeka katika Sekta ya Madini kwenye eneo la utafutaji,uchimbaji na biashara ya madini hayo, Tume ya Madini kupitia mradi wa Mining for Better Tomorrow imetoa leseni 273 kwa vikundi 183 vya vijana ambavyo husajiliwa kwenye Halmashauri zao.

Ambapo leseni hizo zilitolewa katika Mikoa ya Kimadini ya Mara,Mtwara,Dodoma,Mirerani na maeneo mengine ambazo zinajumuisha uchimbaji wa madini ya dhahabu,shaba,madini ya vito,madini ya viwandani na madini ya ujenzi ambapo hadi kufikia Disemba 2025 vijana 2,550 wamewezeshwa kupata ajira za moja kwa moja kupitia mradi huo wa MBT.

Hayo yameelezwa mapema leo hii Jijini Dodoma Machi 16,2026 na Mkurugenzi wa Ukagizi wa Migodi na Mazingira Mhandisi Hamisi Kamando akimwakikisha Katibu Mtendaji wa Tume ya Madini Mhandisi Ramadhani Lwamo wakati akizungumza na Waandishi wa Habari akielezea fursa za vijana zilizopo katika Sekta hiyo ya Madini.
"Sekta ya Madini imeendela kuhakikisha inaongeza ushiriki wa vijana katika shughuli za utafutaji, uchimbaji na biashara ya madini. Katika kipindi cha Julai hadi Desemba, 2025 Tume ya Madini kupitia mradi wa Mageuzi katika Sekta ya Madini kwa Maendeleo Jumuishi na Endelevu (Mining for Better Tomorrow) (MBT) imetoa leseni 273 kwa vikundi 183 ya vijana ambavyo husajiliwa kwenye Halmashauri zao".

"Leseni hizo zilitolewa katika Mikoa ya Kimadini ya Mara, Mbogwe, Kagera, Shinyanga, Morogoro, Rukwa, Dodoma, Mtwara, Singida, Njombe na Mirerani. Miradi ambayo leseni hizo zimetolewa zinajumuisha uchimbaji wa madini ya dhahabu, shaba, madini ya vito, madini ya viwandani ya chumvi pamoja na madini ya ujenzi. Hadi kufikia Desemba, 2025 Tume ya Madini imewezesha vijana 2,550 kupata ajira za moja kwa moja kupitia Mradi wa Mageuzi katika Sekta ya Madini kwa Maendeleo Jumuishi na Endelevu (MBT)".
Aidha Mhandisi Kamando amesema kuwa Wizara ya Madini kupitia Tume hiyo imeendelea kutenga maeneo ya uchimbaji wa madini kwa ajili ya Wachimbaji Wadogo wa Madini nchini ili kwa pamoja waweze kufaidika na rasilimali ambazo nchi imejaaliwa na maeneo yanayotengwa na kugawiwa kwa wananchi sehemu kubwa yanawalenga vijana kati ya umri wa miaka 18 hadi 45. 

Ambapo hadi sasa jumla ya maeneo 65 yamependekezwa kutengwa kwa ajili ya kugawiwa kwa Wachimbaji Wadogo katika mikoa ile ile ya kimadini ya Mtwara, Manyara, Lindi, Morogoro, Dodoma, Tabora, Pwani, Tanga, Geita, Shinyanga, Mwanza, Mara, Mbeya na Ruvuma. 

Ikiwa ni pamoja na Wizara kuendelea kutoa kipaumbele katika utoaji wa leseni kwa wachimbaji wadogo, ambapo katika kipindi cha kuanzia Julai hadi Desemba, 2025 Serikali imetoa jumla ya leseni 5,983 sawa na asilimia 71 ya leseni zote zilizotolewa katika kipindi husika ma Leseni za uchimbaji mdogo wa madini hutolewa kwa Watanzania pekee ambao sehemu kubwa zimeombwa na kundi la vijana wa kati ya umri wa miaka 18 hadi 45. 

Pia ameeleza kuwa katika kuhakikisha kunakuwa na mazingira rafiki katika utekelezaji wa majukumu ya kila siku na Tume ya Madini kuweza kuwahudumia Watanzania kwa wakati na kwa viwango, katika bajeti ya Mwaka 2025/2026 Tume kupitia Wizara ya Madini imetengewa bajeti ya jumla ya Shilingi 25,335,000,000.00 kwa ajili ya Miradi ya Maendeleo ambapo fedha hizi zimelenga kuimarisha utendaji kazi wa Tume ya Madini katika kuhakikisha wanatoa huduma bora kwa Wananchi wote. 

Ambapo fedha hizo zitatumika katika ununuzi wa vitendea kazi kama vile magari, mashine za utambuzi wa madini ya metali (XRF) zitakazotumiwa na watalaam katika kutoa huduma kwa wananchi kwenye masoko ya madini na baadhi ya migodi mikubwa, ya kati na midogo ya madini nchini, Ujenzi wa majengo ya ofisi za madini nchini na ununuzi wa samani ili kuweka mazingira bora kwa watumishi katika kutoa huduma kwa watanzania,sambamba na kugharamia mafunzo maalum ya kitaalam kwa watumishi ili kuwaongezea ujuzi katika kutoa huduma kwa wananchi.

Tume ya Madini ni Taasisi iliyo chini ya Wizara ya Madini ambayo iliundwa na Sheria ya Madini Sura 123 na ilianza kutekeleza majukumu yake rasmi tarehe 17 Aprili, 2018.

Mwisho.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more