TANZANIA INAUTOSHELEVU WA CHAKULA KWA ASILIMIA 130:PROF. NDUNGURU-TPHPA.



Na Deborah Lemmubi-Dodoma.

Mkurugenzi Mkuu wa Mamlaka ya Afya ya Mimea na Viuatilifu Tanzania (TPHPA) Prof. Joseph Ndunguru amesema kuwa Tanzania imekuwa na utoshelevu wa chakula kufikia asilimia 130 kulingana na takwimu zinavyoonesha za mwaka 2024/2025 kwani ina uwezo wa kuzalisha chakula tani milioni 23 huku TPHPA ikiwa na mchango mkubwa kufikia asilimia hizo kwa kudhibiti visumbufu ambavyo vingeweza kuathili uzalishaji wa mazao kama vile baa la panya.

Prof Ndunguru ameyasema hayo leo Jijini Dodoma Machi 24,2026 wakati akizungumza na Waandishi wa Habari akielezea mafanikio ya miaka 3 ya Mamlaka hiyo.

"Takwimu zinaonesha mwaka 2024/25 Tanzania imekuwa na utoshelevu wa chakula wa asilimia 130 ambapo awali ilikuwa asilimia 128 sasa imeongezeka kufikia hapa kwasababu sasa tunaweza kuzalisha chakula tani milioni 23,hivyo TPHPA ina mchango mkubwa katika kufikia hapo kwasababu sisi ndio tunadhibiti visumbufu ambavyo vingeweza kuathili uzalishaji wa mazao mfano udhibiti wa baa la panya katika vijiji,kata na Wilaya".

Aidha Mkurugenzi huyo wa TPHPA amesema kuwa katika kipindi cha miaka hiyo 3 wamefanya udhibiti wa ndege aina ya kwelea kwelea ambao walifanya uvamizi kwenye skimu kubwa za mpunga kama kule mbeya,shinyanga,kapunga,Manyara na kwingineko ambapo ndege aina ya kwelea kwelea milioni 231 walivamia mazao katika Halmashauri 23 hivyo TPHPA ilifanya udhibiti na kuokoa tani za mazao milioni 1.6 ikiwemo mazao ya mpunga,uwele na mtama.

Kwa upande wa udhibiti wa Viwavi jeshi amesema kuwa TPHPA imeweza kudhibiti kwenye hekari za mazao 219,411 katika Wilaya 49 na kwa kufanya hivyo waliweza kuokoa tani za mazao 529,347 yakiwemo mahindi kwa kudhibiti visumbufu kwa mashamba mbalimbali yakiwemo yale BBT Dodoma.

Pia amesema ili kudhibiti visumbufu Mamlaka hiyo imenunua ndege nyuki za kisasa kwaajili ya ufuatiliaji  na udhibiti wa visumbufu hivyo kwenye mazao katika mashamba ambapo kwa sasa wana wanazo ndege nyuki 21 na wako katika hatua kukamilisha ununuzi wa ndege nyuki zingine 20.

Dira na Dhima ya Mamlaka hii ni kutoa udhibiti bora wa Afya ya Mimea na Viuatilifu kwaajili ya kuwezesha biashara ya mimea na bidhaa za mimea Kitaifa na Kimataifa.


Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more