MRADI WA DMDP II KUJENGA KILOMITA 42.78 ZA LAMI KIGAMBONI



Dar es Salaam 

Serikali kupitia Wakala ya Barabara za Vijijini na Mijini (TARURA) imeanza kutekeleza ujenzi wa barabara Kilomita 42.78 kwa kiwango cha lami kupitia mradi wa Uendelezaji Jiji la Dar es Salaam Awamu ya Pili (DMDP II) katika kata za Mjimwema, Kibada, Kigamboni, Vijibweni na Somangila zilizopo Halmashauri ya Manispaa ya Kigamboni.

Hayo yameelezwa na Kaimu Meneja wa TARURA wilaya ya Kigamboni, Mhandisi Edgar Tumsifu ambapo amesema kuwa mradi huo unaogharimu shilingi Bilioni 110 utekelezaji wake umefikia asilimia 30 huku tayari umeshaanza kuleta matokeo kwani barabara zilizokuwa na changamoto zimeshaanza kufanyiwa kazi na zikikamilika wananchi watanufaika na miundombinu hiyo.

"Tunaishukuru serikali ya Awamu ya Sita chini ya Dkt. Samia Suluhu Hassan kwa kutuletea mradi huu, TARURA Kigamboni tuna mtandao wa barabara Km 1035 kati ya hizo barabara za lami ni Km 10 lakini kupitia DMDP II imetuletea Km 42.78 kwahiyo tutakuwa na zaidi ya Km 50 za barabara za lami mpaka kufikia mwezi Agosti mwaka huu", amesema.

Ameeleza kuwa barabara hizo zikikamilika zitasaidia kupunguza uharibifu wa vyombo vya usafiri, pia kuna baadhi ya barabara ambazo ni 'bypass' zikikamilika zitasaidia wakazi wa Kigamboni wanaoelekea maeneo ya Kivukoni au darajani kufika kwa urahisi na haraka. 

"Leo tumetembelea barabara zenye urefu wa Km 10.48 zilizopo kata ya Kibada ambapo utekelezaji wake umefikia asilimia 68, mkandarasi anaendelea na ujenzi wa mitaro na njia za waenda kwa miguu, barabara hizi zikikamilika zitasaidia kupunguza foleni katika maeneo haya", amesema.

Amesema kazi zitakazofanyika katika mradi wa DMDP II ni ujenzi wa barabara kwa kiwango cha lami, njia za waenda kwa miguu, vituo vya daladala, taa za barabarani na mifereji ya maji ya mvua zaidi ya Km 80.

Aidha, amewaomba wananchi wawe watulivu katika kipindi cha mpito cha ujenzi mara baada ya shughuli za ujenzi kukamilika mitaa yote itapendeza na kuwa safi na salama na pia wawe walinzi wa miundombinu hiyo wasitupe taka kwenye mitaro wala wasipitishe magari yenye uzito mkubwa.

Naye, Mwenyekiti wa mtaa wa Kichangani kata ya Kibada, Bw. Nassoro Chande amesema ubovu wa barabara uliokuwepo awali ulikwamisha shughuli zao za kiuchumi na kijamii lakini kwa sasa hali ya kiuchumi itaimarika kufuatia kuendelea kwa ujenzi wa barabara hizo ambazo kwa sasa watu wengi wanajenga maeneo hayo na kufanya thamani ya ardhi kupanda.

Bw. Frank Mwakipageme ambaye ni mfanyabiashara eneo la Shangwe kata ya Kibada amesema kuwa adha kubwa waliyokuwa wanaipata ni maji kujaa hasa kipindi cha mvua kwasababu eneo hilo kuna bonde lakini sasa wamepata nafuu baada ya kutengenezewa mitaro na wanafanya biashara zao bila shida na ameiomba serikali iendelee kuwaboreshea miundombinu ili kuzifikia huduma za kijamii kwa urahisi. 

Bw. Albano Nditi mkazi wa mtaa wa Kiziza ameishukuru serikali kwa kuwaboreshea miundombinu na ameomba waongezewe alama za barabarani na matuta na pia ameomba wananchi wenzake wailinde miundombinu hiyo kwa kuwa wastaarabu na kutotupa takataka kwenye mifereji.





 

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more