DC RUKIA AANZA ZIARA KATA KWA KATA, AHIMIZA UWAJIBIKAJI.

DC RUKIA AANZA ZIARA KATA KWA KATA, AHIMIZA UWAJIBIKAJI.


Mwanga, Kilimanjaro. 

Katika hatua ya kusogeza huduma za Serikali karibu zaidi na wananchi na kuhakikisha changamoto zinazowakabili zinapata majibu kwa wakati, Mkuu wa Wilaya ya Mwanga, Bi. Rukia Zuberi, amewataka viongozi ngazi za kata, vijiji na vitongoji na watumishi wa umma ngazi zote wilayani humo kuacha utendaji wa kusubiri taarifa maofisini na badala yake kuwafikia wananchi katika maeneo yao, kusikiliza kero zao na kuchukua hatua za kuzitatua.
Akizungumza na watumishi wa umma, wenyeviti wa vijiji na vitongoji pamoja na madiwani katika kikao kilichofanyika Shule ya Msingi Kivindu, Tarafa ya Usangi, Bi. Rukia amesema dhamana waliyopewa na Serikali inapaswa kuonekana kupitia utendaji wenye matokeo na huduma zinazogusa maisha ya wananchi.

Bi. Rukia kabla ya kuzungumza na viongozi wa ngazi za kata, vijiji na vitongoji alitembelea na kuzungumza na maafisa usafirishaji maarufu kama bodaboda ambapo alisisitiza zaidi suala la usalama, nidhamu na matumizi sahihi ya shughuli hiyo, akiwataka kuepuka kushawishiwa au kutumiwa katika vitendo vya uhalifu na shughuli nyingine zinazoweza kuhatarisha usalama wao na jamii. 
Amewataka vijana hao kutumia bodaboda kama fursa ya kujipatia kipato kwa njia halali na kutoa taarifa kwa mamlaka pale wanapokutana na viashiria vya uhalifu.

Katika eneo la Soko la Kirongwe, Usangi, Mkuu huyo wa Wilaya alijionea shughuli za wafanyabiashara na hali ya mazingira ya soko hilo, huku akieleza kuwa masoko ni sehemu muhimu ya kuchochea shughuli za kiuchumi na kuongeza kipato cha wananchi, hivyo yanapaswa kusimamiwa kwa ufanisi.
Ziara hiyo imeendelea kusisitiza dhamira ya Serikali ya kupeleka huduma na utatuzi wa changamoto karibu na wananchi, huku viongozi wa ngazi za kata, vijiji na vitongoji wakitakiwa kuwa sehemu ya suluhisho kwa kusimamia kwa vitendo masuala yanayogusa maisha na maendeleo ya wananchi.




Imeandaliwa na musamathiasnjogolo
Email. musamathiasnjogolo@gmail.com 
Kilimanjaro, Tanzania. 

#KipeoOnlineMedia #Habari #Tanzania #News #Update Asante kwa kusoma Kipeo Online Media. Tembelea kipeoonlinemedia.blogspot.com kwa habari zaidi, Subscribe Channel yetu ya Youtube hapa youtube.com/@kipeoonlinemedia?si=vZ45foO1hBmK1xvX karibu sana.

Comments

Post a Comment

Popular posts from this blog

HIFADHI YA NGORONGORO YASHIRIKISHA WATALII UZINDUZI WA WIKI YA HUDUMA KWA WATEJA.

Image
Na Mwandishi wetu, Ngorongoro  Tarehe 7 Oktoba, 2025. Mamlaka ya Hifadhi ya Ngorongoro imewashirikisha baadhi ya watalii katika uzinduzi wa wiki ya huduma kwa wateja ambapo wageni hao wameipongeza mamlaka hiyo kwa kuendelea kuboresha huduma na miundo mbinu ya utalii. Wakizungumza katika hafla iliyofanyika kwenye lango kuu la kuingia Hifadhi ya Ngorongoro eneo la Loduare baadhi ya watalii hao wamesema kuwa wanaridhishwa na huduma zinazotolewa na mamlaka hiyo  na kusema  wataendelea kuwashawishi wageni wengine kutoka nchi zao kutembelea Ngorongoro. Kamishna Msaidizi Mwandamizi wa uhifadhi anayeshughulikia Huduma za Utalii Mariam Kobelo amewahakikishia wageni hao kuwa mamlaka itaendelea kuboresha huduma zake na kwamba watafanyia kazi kwa ukaribu maoni yote yatakayotolewa na wateja ili kuendelea kuunga mkono juhudi za serikali za kuongeza wageni katika sekta ya utalii. “Tunaitumia wiki hii ya huduma kwa wateja kuendelea kupokea maoni mbalimbali ya wateja wetu,tumejipanga vizu...
Read more

NMB Same Yachochea Ari ya Mafanikio kwa Wanafunzi, Yasema “Bidii, Nidhamu na Malengo” Ndio Siri ya Ushindi

Image
NMB Same Yachochea Ari ya Mafanikio kwa Wanafunzi, Yasema “Bidii, Nidhamu na Malengo” Ndio Siri ya Ushindi Na Musa Mathias, Same - Kilimanjaro. Katika msimu huu wa mitihani, upepo wa matumaini na hamasa mpya umevuma katika shule za sekondari wilayani Same mkoani Kilimanjaro, baada ya Benki ya NMB Tawi la Same kushirikiana na wadau wa elimu kuwatia moyo wanafunzi wa kidato cha nne na kidato cha pili wanaotarajia kuanza mitihani yao ya kuhitimu hivi karibuni, Kupitia tukio lililojawa na furaha na matumaini, Meneja wa NMB Tawi la Same, Bw. Saad Masawila , aliwasihi wanafunzi hao kusimama imara katika safari yao ya kielimu kwa kujikita kwenye misingi ya bidii, nidhamu na malengo thabiti .   “Soko la ushindani wa kielimu limekuwa kubwa sana,” alisema Bw. Masawila kwa msisitizo. “Tunataka kuona wanafunzi wetu wengi wakifanya vizuri wapate division one , na hata kama itatokea changamoto, basi wasishuke chini ya division three . Mafanikio ni matokeo ya juhudi, si bahati.” Katika kuonyesh...
Read more

ANNE KILANGO AZINDUA KAMPENI SAME MASHARIKI KWA KISHINDO

Image
ANNE KILANGO AZINDUA KAMPENI SAME MASHARIKI KWA KISHINDO. Tafadhali subscribe Youtube yetu hapa Na Musa Mathias, Same, Kilimanjaro. Kwa shamrashamra na hamasa kubwa za kisiasa, Chama Cha Mapinduzi (CCM) wilayani Same jana Septemba 2, 2025 kimezindua rasmi kampeni za uchaguzi katika eneo la Maore, Kata ya Maore, Jimbo la Same Mashariki, wilayani Same, mkoani Kilimanjaro. Mamia ya wananchi walijitokeza kushuhudia tukio hilo lililoambatana na muziki, nderemo na hotuba za viongozi wa chama hicho. Katika uzinduzi huo, mgombea ubunge wa CCM jimbo hilo, Mhe. Anne Kilango Malecela, alitambulishwa rasmi sambamba na madiwani 14 wanaowania nafasi katika kata mbalimbali. Mgombea Ubunge Jimbo la Same Mashariki Mhe. Anne Kilango Malecela akihutubia wananchi walijitokeza kushuhudia uzinduzi wa kampeni jimboni humo.  Akihutubia wananchi, Mhe. Anne Kilango aliahidi kuwa endapo atachaguliwa tena, kipaumbele chake kikubwa kitakuwa kuhakikisha barabara ya Mkomazi–Same yenye zaidi ya kilomita 100 inaje...
Read more