EU KUANZISHA KITUO MAALUM CHA MAFUNZO KWA WAKULIMA WA KAHAWA TANZANIA.

EU KUANZISHA KITUO MAALUM CHA MAFUNZO KWA WAKULIMA WA KAHAWA TANZANIA.


Na Mwandishi Wetu. 
Moshi, Kilimanjaro. 

Umoja wa Ulaya (EU) umetangaza mpango wa kuanzisha kituo maalum cha mafunzo kwa wakulima wadogo wa kahawa nchini Tanzania, ikiwa ni sehemu ya juhudi za kuwawezesha kuongeza tija, ubora, na ushindani wa zao hilo katika soko la kimataifa.

Mpango huo unalenga kuwajengea uwezo wakulima kupitia mafunzo ya kisasa, matumizi ya teknolojia bora za kilimo, pamoja na usimamizi sahihi wa rasilimali, ili kuongeza uzalishaji wa kahawa bora inayokidhi viwango vya kimataifa, hususan kwa soko la Umoja wa Ulaya na Italia.

Akizungumza katika ziara yake kwenye shamba la kahawa la Kilimanjaro Plantation Limited (KPL), lililoko eneo la Mweka, Wilaya ya Moshi, Balozi wa Italia nchini Tanzania, Giuseppe Coppola, alisema juhudi hizo ni sehemu ya dhamira ya EU kusaidia wakulima wa Tanzania kupata maarifa na nyenzo zitakazowawezesha kushiriki kikamilifu katika biashara ya kimataifa ya kahawa.
"Tutahakikisha wakulima wanapata mafunzo na zana za kuzalisha kahawa yenye ubora wa juu, itakayokuwa na uwezo wa kuingia kwa urahisi kwenye masoko ya Ulaya na Italia," alisema Balozi Coppola.

Balozi huyo aliongeza kuwa ziara yao imewawezesha kujionea kwa macho ubora wa shughuli za kilimo cha kahawa katika shamba la KPL, huku akivutiwa na kazi kubwa inayofanyika na bidhaa bora zinazozalishwa.
"Tumeona shamba zuri, lenye usimamizi mzuri na uzalishaji wenye tija. Hii ni ishara kwamba Tanzania ina uwezo mkubwa wa kuwa mshindani wa kweli katika soko la kahawa duniani," aliongeza.

Alibainisha kuwa Italia imejipanga kikamilifu kusaidia mnyororo mzima wa thamani katika sekta ya kahawa Tanzania, ikiwemo kuanzisha kituo cha mafunzo ambacho kitakuwa na jukumu la kuwajengea wakulima wadogo uwezo na ujuzi utakaowawezesha kuongeza ubora wa mazao yao.

"Tunataka kuona wakulima wa Kilimanjaro na maeneo mengine nchini wanazalisha kahawa inayokidhi viwango vya kimataifa na kufikia kwa urahisi masoko ya Ulaya na Italia," alisema Balozi Coppola.

Kwa upande wake, Meneja wa shamba la KPL, Colton Rebenold, alisema kuwa kilimo cha kahawa kimekuwa na mchango mkubwa katika sekta ya kilimo nchini, na kwamba shamba hilo huzalisha kati ya tani 500 hadi 700 za kahawa kila mwaka, ambazo huuza katika masoko ya Ulaya, ikiwemo Italia, na Japan.

"Tuna zaidi ya hekta 620 zenye zaidi ya miti milioni 1.2 ya kahawa. Uzazi huu unatupatia tani nyingi za kahawa kila mwaka, na maganda yanayotokana na usindikaji wake tunayatumia kutengeneza mbolea ya kioevu ambayo huongeza rutuba ya udongo," alisema Rebenold.

Aliongeza kuwa kila wiki mbili hupata lita 400 za mbolea ya kioevu kutoka kwenye maganda ya kahawa, ambayo hupuliziwa kwenye mashamba, na inaweza kutumika kwenye hekari 50.

Aidha, Rebenold alieleza kuwa ujio wa mabalozi kutoka Umoja wa Ulaya ni ishara ya ushirikiano wa karibu kati ya Tanzania na nchi za Ulaya katika kuimarisha soko la kahawa, jambo linaloongeza hamasa kwa wakulima kuongeza uzalishaji na ubora.

Mwisho.

#KipeoOnlineMedia #Habari #Tanzania #News #Update Asante kwa kusoma Kipeo Online Media. Tembelea kipeoonlinemedia.blogspot.com kwa habari zaidi, Subscribe Channel yetu ya Youtube hapa youtube.com/@kipeoonlinemedia?si=vZ45foO1hBmK1xvX karibu sana.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more