MANISPAA KIBAHA YAADHIMISHA SIKU YA USAFI WA MAZINGIRA DUNIANI KWA KUFANYA USAFI KATIKA MAENEO MBALIMBALI



Kibaha, Pwani – Septemba 20, 2025

Halmashauri ya Manispaa ya Kibaha imeadhimisha kilele cha Siku ya Usafi wa Mazingira Duniani kwa kufanya usafi katika maeneo mbalimbali ikiwemo jengo la utawala la Ofisi ya Mkurugenzi, vituo vya abiria, maeneo ya wazi, pamoja na barabara za watembea kwa miguu.

Maadhimisho hayo yameongozwa na Mganga Mkuu wa Manispaa ya Kibaha, Dkt. Catherine Saguti, ambaye amewaongoza wananchi na watumishi wa Halmashauri kushiriki kikamilifu katika shughuli za usafi, sambamba na kuelimisha jamii kuhusu umuhimu wa kutunza mazingira.

Kaulimbiu ya mwaka huu ni: "Tunza Mazingira kwa Kuzipa Taka Thamani", ikihamasisha jamii kuona taka kama rasilimali inayoweza kurejelewa au kutumika kwa namna nyingine badala ya kuwa uchafu unaodhuru mazingira.

Akizungumza na wananchi, Dkt. Saguti aliwapongeza kwa kujitokeza kushiriki zoezi hilo, na kutoa wito kwa watendaji wa kata na mitaa kuendeleza kampeni za usafi ili kuzuia magonjwa ya milipuko.


“Mazingira safi yanamaanisha afya bora. Tukihamasisha usafi kwenye kila mtaa, tutaokoa maisha na kupunguza mzigo wa magonjwa katika jamii yetu,” alisema Dkt. Saguti.

Kwa upande wake, Afisa Mazingira wa Manispaa hiyo, Bw. Issa Hassan, alisema Halmashauri inaendelea kubuni mbinu za kuhamasisha usafi, ikiwemo kushindanisha mitaa ili kutambua na kutoa motisha kwa wale wanaofanya vizuri.

Katika mashindano hayo ya usafi, mitaa iliyoibuka kidedea ni kama ifuatavyo:

Mtaa wa Mkoni A

Mtaa wa Kwa Mfipa – Kata ya Kibaha

Mtaa wa Uyaoni – Kata ya Maili Moja

Bw. Hassan amesema kuwa lengo la ushindani huo ni kuongeza ari ya usafi kwa jamii nzima na kuifanya Manispaa ya Kibaha kuwa mfano bora wa utekelezaji wa ajenda ya mazingira safi na salama.


Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more