RC KILIMANJARO ATOA ONYO KALI DHIDI YA MAANDAMANO WAKATI WA UCHAGUZI.

RC KILIMANJARO ATOA ONYO KALI DHIDI YA MAANDAMANO WAKATI WA UCHAGUZI.

Na Musa Mathias,
Same, Kilimanjaro.

Subscribe Channel yetu ya Youtube hapa. https://youtube.com/@kipeoonlinemedia?si=I4xrm3DGzDSHWbuH

Mkuu wa Mkoa wa Kilimanjaro, Mhe. Nurdin Babu, amewaonya vikali baadhi ya wananchi wanaopanga kufanya vurugu na maandamano mkoani humo katika kipindi hiki cha kuelekea Uchaguzi Mkuu utakaofanyika Oktoba 29, 2025.

Babu ametoa onyo hilo wakati akizungumza kwenye kongamano la wanawake wilayani Same lililofanyika katika ukumbi wa mikutano wa Nzoroko, likihudhuriwa na zaidi ya wanawake 300.

Amesema Mkoa wa Kilimanjaro umejipanga kuhakikisha usalama unakuwepo kabla, wakati na baada ya uchaguzi, huku akisisitiza wananchi kujitokeza kwa wingi kupiga kura kwa amani.
“Serikali ya mkoa na wilaya tumejipanga kuhakikisha ulinzi na usalama unakuwepo. Nendeni mkapige kura kwa amani. Mkoa wa Kilimanjaro si wa vurugu, wala watu wake hawataki maandamano. Wale wanaotaka kufanya maandamano watafute nchi nyingine ya kufanya maandamano,” amesema Nurdin Babu.

Ameongeza kuwa Serikali inaendelea kushirikiana na vyombo vya ulinzi na usalama kuhakikisha wananchi wanashiriki uchaguzi kwa amani na utulivu bila vitisho wala usumbufu. Amesisitiza kuwa yeyote atakayebainika kuvuruga utaratibu wa uchaguzi atachukuliwa hatua kali za kisheria bila kujali nafasi aliyonayo.

Kwa upande wake, Mkuu wa Wilaya ya Same, Mhe. Kasilda Mgeni, amesema lengo kuu la kongamano hilo ni kuhamasisha wanawake kujitokeza kupiga kura na pia kujengeana uwezo katika maeneo mbalimbali ya maendeleo ikiwemo uongozi, ujasiriamali, afya ya akili, nidhamu ya fedha, na matumizi ya nishati safi ya kupikia.
Mhe. Kasilda amesema elimu ya afya ya akili ni muhimu kwa wanawake ili waweze kuendesha familia kwa utulivu na kuepuka msongo wa mawazo unaochochewa na changamoto za maisha ya kila siku. Aidha, amewataka wanawake kutumia nishati safi ya kupikia kama gesi na majiko banifu ili kulinda afya zao na mazingira.

Vilevile, amesisitiza umuhimu wa nidhamu ya kifedha, akiwataka wanawake kutumia mikopo na mitaji wanayopewa kwa malengo yaliyokusudiwa, ili kuimarisha kipato na kukuza uchumi wa familia.

Naye Mwenyekiti wa Umoja wa Wanawake Wilaya ya Same, Bi. Saumu Mndeme, amesema makongamano hayo hufanyika kila mwaka na yameleta matokeo chanya katika nyanja za uongozi, ujasiriamali, elimu ya fedha na uwezeshaji wa wanawake.
Ameongeza kuwa kongamano hilo limekuwa jukwaa muhimu la kuwakutanisha wanawake, viongozi wa serikali, taasisi za kifedha na wadau wa maendeleo kujadili changamoto zinazowakabili wanawake na kutoa suluhisho endelevu.

Katika hatua nyingine, washiriki wa kongamano hilo wamepata elimu juu ya mapambano dhidi ya ukatili wa kijinsia, ambapo wanawake wametakiwa kuripoti matukio yote ya ukatili kwa vyombo husika na kuepuka kulinda wahalifu kwa visingizio vya kifamilia.

Kongamano hilo limebeba kaulimbiu isemayo “WANAWAKE NA UONGOZI: Shiriki Uchaguzi Mkuu Oktoba 29, 2025,” na limehudhuriwa na viongozi mbalimbali wa serikali, wawakilishi wa taasisi za kifedha, wadau wa maendeleo, pamoja na wanawake zaidi ya 300 kutoka kata zote za Wilaya ya Same.

Washiriki walipata nafasi ya kujadili kwa kina namna ya kuimarisha ushiriki wa wanawake katika maamuzi ya kitaifa, kulinda afya ya familia, na kushiriki kikamilifu katika shughuli za kiuchumi kupitia miradi ya kikundi na teknolojia bunifu za kidigitali.






Mwisho.

#KipeoOnlineMedia #Habari #Tanzania #News #Update Asante kwa kusoma Kipeo Online Media. Tembelea kipeoonlinemedia.blogspot.com kwa habari zaidi, Subscribe Channel yetu ya Youtube hapa youtube.com/@kipeoonlinemedia?si=vZ45foO1hBmK1xvX karibu sana.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more