RC BATILDA AWAONYA WAFANYABIASHARA WAKWEPA KODI



Na Boniface Gideon,TANGA

Mamlaka ya mapato Tanzania (TRA) mkoa wa Tanga imekabidhi Mifuko ya sukari 433 pamoja na madumu 48 ya mafuta ya kula vyote vikiwa na thamani ya Sh. mil.63,255,000, 

Makibidhiano hayo yamefanywa jana na kaimu meneja wa TRA mkoa wa Tanga, Gelas Kinabo pamoja na mkuu wa kituo cha HoroHoro OSBP Shedrack Mbonea   katika kituo cha forodha cha Horohoro  OSBP kwa mkuu wa mkoa wa Tanga Balozi Dkt.Batilda Burian ,ambapo Batilda aliwaonya vikali Wafanyabiashara wanakwepa kodi kwakupitisha bidhaa kwanjia za Magendo. 

Akizungumza katika makibidhiano hayo, Mkuu wa mkoa wa Tanga, Balozi Dkt. Batilda Burian ametoa shukrani zake za dhati kwa  Mamlaka ya mapato Tanzania mkoa wa Tanga kwa kazi kubwa wanayoifanya ambayo imeonekana kwa mapato ya nchi kuongezeka kwa kiwango kikubwa hali inayoonesha kwamba kuna ukuaji wa ulipaji wa kodi kwa hiari bila shuruti,


"tunawashukuru sana TRA,kwa msaada huu,ninawaahidi kuwa utawafikia walengwa,lakini pia niwaombe msiache kuendelea kuisaidia jamii,lakini pia niwapongeze kwa kazi nzuri mnayoifanya,mnafanya kazi kubwa ambayo imesaidia Mkoa wa Tanga kutoa mchango mkubwa katika Taifa katika sekta ya mapato,tunaomba msibweteke ,fanyeni kazi kwa weledi"Alisisitiza Rc Batilda 

Dkt.Batilda aliwataka wananchi kutumia njia halali za kuingiza mizigo katika mipaka yetu ili kuepukana na  adhabu na kuendelea kufuata sheria mbali mbali za ukusanyaji mapato,

"Niwasihi Wananchi ,hususani wafanyabiashara,wazingatie sheria na kufuata njia sahihi za Biashara,haipendezi hata kidogo kuona mfanyabiashara anataifishwa bidhaa zake kwasababu ya kukwepa kulipa kodi ,mtu anaingiza bidhaa kwa njia za magendo,hii haifai na hakuna mtu atakayefumbiwa macho" Alisisitiza Dkt.Batilda

Kwaupande wake ,Kaimu Meneja wa TRA Mkoa wa Tanga  Gelas Kinabo alisema bidhaa hizo ni sehemu ya mali zilizotaifishwa kutoka kwa wafanyabiashara wasio waaminifu wanaingiza bidhaa kimagendo na kuwataka  wafanyabiashara kufuata taratibu husika za kiforodha wanapoingiza mizigo nchini ili kuepukana na usumbufu unaoweza kujitokeza na kuwataka kuendelea kulipa kodi kwa hiari,

"Bidhaa hizi ni miongoni mwa bidhaa tulizozitaifisha kutoka kwa wafanyabiashara wasio waaminifu wanaopitisha bidhaa kimagendo,niwaombe wafanyabishara wote ,wafuate taratibu za kiforodha kulipa kodi,wakifuata taratibu za kiforodha hakutakuwa na usumbufu wowote kwa mfanyabiashara"Alisisitiza Kinabo
              

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more