UJENZI MRADI WA TAZA WAFIKIA ASILIMIA 58 KWA UPANDE WA TANZANIA



*đź“ŚNguzo 420 za kusafirisha umeme wa kV 400 zasimikwa*

*đź“ŚBenki ya Dunia yaipongeza Tanzania kwa kasi ya utekelezaji wa mradi*

*đź“ŚWakandarasi waishukuru Serikali kutoa fedha kwa wakati*

Ujenzi wa mradi wa usafirishaji umeme wa msongo wa kilovoti 400 unaounganisha Tanzania na Zambia( TAZA) umefikia asilimia 58 ya uekelezaji wake kwa upande wa Tanzania.

Hayo yameelezwa na Mwakilishi wa Kamishna wa Umeme na Nishati Jadidifu,  Mhandisi Sadick Mwaifunga  wakati wa ziara ya ukaguzi na tathmini ya utekelezaji wa mradi huo inayohusisha watendaji wa Wizara ya Nishati, Shirika la Umeme Tanzania ( TANESCO) pamoja na Benki ya Dunia(WB).

Ziara hiyo imehusisha ukaguzi wa mradi katika  mikoa ya Iringa, Mbeya na Rukwa kwa kukagua ujenzi wa njia ya kusafirisha umeme kutoka Kisada- Iringa, Iganjo-Mbeya hadi kituo cha kupoza umeme cha Malangali Sumbawanga yenye urefu wa Kilometa 616 pamoja na ujenzi wa vituo vya kupoza umeme  Katika mikoa hiyo.

"Mpaka sasa utekelezaji wa mradi unaendelea vizuri na sasa umefikia asilimia 58 ikihusisha  ujenzi wa miundombinu ya njia kusafirisha umeme pamoja  vituo vya kupoza umeme" Amesema Mhandisi Mwaifunga


Amefafanua kuwa,  ujenzi wa njia ya kusafirisha umeme kutoka Iringa - Kisada; Kisada - Mbeya; Mbeya - Tunduma na Tunduma - Sumbawanga umefikia asilimia 81.

Pia ujenzi wa vituo vya kupoza umeme Iringa, Kisada, Mbeya, Tunduma na Sumbawanga umefikia asilimia 35.

Mha. Mwaifunga amesema katika Mradi huo jumla ya nguzo 1614 za umeme wa kV 400 zitajengwa kwa urefu wa Kilometa 616.

Aidha, ameeleza kuwa hadi sasa tayari zaidi ya nguzo 420 zimeshasimikwa na   zoezi hilo linaendelea.


Kwa Upande wake Msimamizi wa Mradi huo kutoka Shirika la Umeme Tanzania(TANESCO), Mhandisi Elias Makunga amewataka wakandarasi kuongeza kasi ya ujenzi wa mradi huo ili kukabiliana na changamoto ya hali ya hewa hasa nchi inapoelekea katika kipindi mvua.

Amesema wakandarasi wanamuda mwingi wa kufanya kazi kipindi cha kiangazi hivyo watumie kipindi hicho kufidia Kazi zitakazosimama wakati wa kipindi cha mvua.

" Hatutamani kuona mkandarasi anasingizia mvua  kuwa imekwamisha utendaji wake  wa kazi, ni vyema sasa  kipindi hiki cha kiangazi kazi zifanyike kwa kasi kubwa ili kutochelewesha mradi huu unaosubiriwa kwa hamu kubwa" amesisitiza Mha. Makunga


Benki ya Dunia kwa upande wake  imeipongeza Wizara ya Nishati kwa kusimamia vyema mradi huo hasa kwa hatua nzuri  ya utekelezaji wa mradi.

Kwa upande wake Meneja Mradi kwa upande wa  Mkandarasi anayetekeleza ujenzi wa njia ya kusafirisha umeme kutoka Kisada Iringa hadi Mbeya, Mhandisi Ananthan Pannerselvam ameishukuru Serikali kwa kuendelea kutoa fedha kwa wakati za  utekeleza miradi huo.

Amesema  kuwa utekelezaji wa mradi unaendelea vizuri na mpaka sasa hakuna changamoto yoyote inayoweza  kuhatarisha utekelezaji ambapo ameahidi kukamilisha kazi kwa wakati.



Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more