RAS NZOWA: KAMILISHENI MIRADI KWA WAKATI


RAS NZOWA: KAMILISHENI MIRADI KWA WAKATI

Na Musa Mathias.
Same - Kilimanjaro.

Katibu Tawala wa Mkoa wa Kilimanjaro, Bw. Kiseo Nzowa, ameielekeza Halmashauri ya Wilaya ya Same kuhakikisha inakamilisha kwa wakati miradi ya maendeleo inayotekelezwa kwa fedha za Serikali ya Awamu ya Sita, ili wananchi waanze kunufaika mapema na huduma bora.

Bw. Nzowa ametoa maagizo hayo, wakati wa ziara yake ya kikazi wilayani Same, alipoambatana na Sekretarieti ya Mkoa na kukagua miradi mitatu ya maendeleo sekta ya elimu yenye thamani ya zaidi ya shilingi bilioni 1.1. Alisisitiza kuwa dhamira ya serikali ni kuona kila mradi unakamilika kwa muda uliopangwa, kwa viwango bora, na kuanza kutoa huduma kwa wananchi bila ucheleweshaji.
Miradi iliyokaguliwa ni pamoja na ujenzi wa shule mpya ya sekondari ya Amali, Kata ya Kihurio, unaogharimu zaidi ya shilingi milioni 584 na unatarajiwa kuanza kutumika Januari 2026 kwa kudahiri wanafunzi 80 katika mikondo miwili.

Mradi mwingine ni ujenzi wa bwalo la chakula la wanafunzi katika Shule ya Sekondari Ndungu unaotekelezwa kwa gharama ya zaidi ya shilingi milioni 205, na ujenzi wa miundombinu ya kidato cha tano na sita katika Shule ya Sekondari Misufini Goma kwa zaidi ya shilingi milioni 389, unaojumuisha madarasa manne, mabweni mawili (wavulana na wasichana) pamoja na matumdu 14 ya vyoo.

Kwa upande wake Mkuu wa Wilaya ya Same, Mhe. Kasilda Mgeni, aliishukuru Serikali ya Awamu ya Sita chini ya uongozi wa Rais Dkt. Samia Suluhu Hassan kwa kutoa fedha kwa ajili ya utekelezaji wa miradi hiyo.
Alibainisha kuwa serikali itaendelea kusimamia miradi kwa ukaribu ili ikamilike kwa wakati na kwa viwango bora, akisisitiza kuwa miradi yenye ubora wa juu ndiyo inayodumu kwa muda mrefu na kuwa chachu ya maendeleo endelevu.

Kwa ujumla, utekelezaji wa miradi hii inatarajiwa kukamilika kabla ya octoba 30, mwaka huu, inathibitisha dhamira ya Serikali ya Awamu ya Sita kuhakikisha wananchi, wanapata huduma za kijamii kwa urahisi na ubora, sambamba na kukuza elimu na maendeleo ya watu.
















Mwisho.
Karibu, Kipeo Online Media ni chombo cha habari cha mtandaoni chenye kuleta taarifa za kina na za kuaminika.

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more