TARURA GEITA YAHUDUMIA KM. 564 MAENEO YA MADINI*


📌TANESCO, RUWASA na NIRC yanufaika na Maabara ya Kisasa ya TARURA-Geita

📌Elimu ya Fidia yatolewa kwa wananchi

Geita

Wakala ya Barabara za Vijijini ma Mijini (TARURA) Mkoa wa Geita inahudumia  mtandao wa barabara upatao Km. 7274  na kati ya hizo Km. 564 ya barabara zinazohudumia maeneo ya madini.

Hayo yamebainishwa na Meneja wa TARURA Mkoa wa Geita Mhandisi Edward Msechu wakati akiongea na waandishi wa habari katika Maonesho ya Nane ya Madini yanayoendelea Mkoani hapa.

Amesema katika mtandao huo asilimia 60 ya barabara zinapitika  hivyo maonesho hayo licha ya kutoa elimu kwa umma,wanashiriki kikamilifu kuhakikisha wanaendeleza ukuaji wa uchumi pamoja na kuendeleza huduma za jamii kwa kuhudumia barabara zinazoelekea maeneo ya migodini.


Aidha, Mhandisi Msechu amesema kwa mwaka wa fedha 2024/2025 na 2025/2026 wametenga kiasi cha shilingi milioni 580 kwa ajili ya kukamilisha Km. 210  zikiwemo barabara zinazoelekea migodini.

Kwa upande mwingine Mhandisi Msechu amesema TARURA Geita wana Maabara ya kisasa ambayo inapima ubora wa vifaa vya ujenzi wa miundombinu ya barabara pamoja na miundombinu mingine inayotekelezwa na  Taasisi nyingine zikiwemo TANESCO, Tume ya Umwagiliaji pamoja RUWASA  ambayo inatumia maabara hiyo kutekeleza miradi yao kwa ubora unaohitajika.

Naye, Mhandisi wa Miradi kutoka TARURA Makao Makuu Faizer Mbange amesema wanatumia maonesho hayo kutoa elimu kwa wananchi kuhusu matumizi sahihi ya barabara ikiwemo kutokupitisha wanyama kwenye barabara, kulinda na kutunza barabara, kuepuka kulima kandokando ya barabara pamoja na kutopitisha mizigo mizito kwenye barabara.


Amesema wananchi wengi waliotembelea banda la TARURA baadhi yao walikuwa na changamoto ya kutoelewa masuala ya fidia hivyo wameweza kutoa elimu hiyo pia.

“TARURA inatekeleza miradi kwa fedha za ndani pamoja na ile ya fedha za ufadhili hivyo ipo baadhi ya miradi ambayo ina fidia”.

Ameongeza kusema kwamba TARURA pia imeweza kutoa elimu ya uanzishaji wa vikundi kazi kwa ajili ya matengenezo madogo madogo ya barabara  ambapo vikundi hivyo huhusika pia katika ulinzi wa barabara hizo.



 

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more