KASIKI AWAPIGA MSASA WADAU WA SEKTA YA MADINI*


- *Abainisha fursa kubwa zilizopo kwenye mnyororo wa thamani*

*Ajira zaongezeka mara tatu tangu 2018*

MKURUGENZI wa Ukaguzi na Biashara ya Madini katika Tume ya Madini (MATD), CPA. Venance Kasiki, amewataka wadau wa Sekta ya Madini kuongeza ubunifu na ushiriki endelevu kwenye shughuli za uchumi wa madini kwa kuanzisha viwanda vya kuzalisha bidhaa zinazohitajika migodini badala ya kuendelea kuwa mawakala wa wazalishaji wa kigeni (OEMs).

Akizungumza  katika Maonesho ya Nane ya Kitaifa ya Teknolojia ya Madini yanayoendelea mjini Geita, Kasiki alisema ushiriki wenye tija unahitaji kampuni kuwa na mifumo madhubuti ya uendeshaji na usimamizi, kutoa bidhaa na huduma bora kwa wakati, kujifunza teknolojia mpya, pamoja na kushirikiana katika kuunda mitaji mikubwa ya pamoja.

Alibainisha kuwa mnyororo wa thamani wa madini una fursa nyingi zinazoweza kushughulikiwa na Watanzania ikiwemo usambazaji wa mitambo ya migodini, huduma za TEHAMA, usafirishaji, fedha na bima, huduma za vyakula, vifaa kinga (PPE), famasia na vifaa tiba, ulinzi, uchorongaji, usafi na nyingine nyingi.


“Ni wakati sasa kwa wadau wa sekta hii kutumia ipasavyo fursa zilizopo huku wakizingatia sheria na kanuni zilizowekwa, ili kuongeza tija kwa taifa,” alisisitiza Kasiki.

Akizungumzia mchango wa sekta hiyo katika ajira, Kasiki alisema mwaka 2018 kulikuwa na ajira 6,668 kwa Watanzania na 335 kwa wageni. Hata hivyo, ifikapo mwaka 2024 idadi hiyo imeongezeka maradufu na kufikia zaidi ya Watanzania 19,371 na wageni 503.

“Hii ni ishara tosha kuwa mchango wa Sekta ya Madini katika kutoa ajira na kuchochea ukuaji wa uchumi wa taifa unaongezeka kwa kasi,” alisema.


Hata hivyo, alitaja baadhi ya changamoto zinazoibuka kwenye zabuni na manunuzi kuwa ni pamoja na kutofuata taratibu za EOI na RFP, kuwepo kwa vigezo visivyo shindanishi vinavyolenga kampuni maalum, ushindani usio na tija kwa wazalishaji wa ndani, ubia usiokidhi matakwa ya kisheria na utoaji wa bidhaa au huduma zisizokidhi viwango.

“Tume ya Madini itaendelea kusimamia Sheria ya Madini na Kanuni za Ushirikishwaji wa Watanzania ili kuhakikisha sekta hii inawanufaisha wananchi na taifa kwa ujumla,” aliongeza.

Aidha, Kasiki aliwaasa Watanzania kuanzisha viwanda vya kuzalisha bidhaa zinazotumika migodini katika eneo la Buzwagi mkoani Geita, ambapo Serikali imetenga eneo maalum kwa ajili ya uwekezaji huo.


 

Comments

Post a Comment

Popular posts from this blog

HATMA YA TAIFA IPO KATIKA USAWA WA KIJINSIA, SIO VIWANDA PEKEE.

Image
Na,Agnes Mambo Tanga,  Mkuu wa Mkoa wa Tanga, Balozi Dk Batilda Burian amesema maendeleo ya taifa hayawezi kupimwa kwa kiwango cha uwekezaji au ujenzi wa viwanda pekee, bali kwa namna serikali na jamii zinavyoweka fursa za usawa wa kijinsia katika ajira, hususan kwa watoto wa kike na wa kiume. Dk Burian ameyasema hayo alipokuwa akifungua maadhimisho ya nne ya Siku ya Kimataifa ya Wanawake katika Sekta ya Bahari yaliyofanyika jijini Tanga jana (Jumapili) Mei 18/2025. Akimnukuu mwanafalsafa maarufu Plato, aliyewahi kusema kuwa "Kilimo cha jamii yoyote ni jinsi inavyowathamini wanawake", Dk Burian alisisitiza kuwa taifa linapaswa kujipangia malengo ya kuhakikisha usawa wa kijinsia unatekelezwa kikamilifu. "Tusiache mwanamke abaki ufukweni bali tunataka aingie ndani ya bahari," alisema kwa msisitizo.. Alieleza kuwa licha ya juhudi zinazofanywa na serikali na wadau mbalimbali, sekta ya bahari bado inatawaliwa na wanaume, huku takwimu zikionyesha kuwa wanawake wanaofanya ...
Read more

MSAKO MKALI KUREJESHA HALI ya USALAMA TANGA, WATUHUMIWA 42 WAKAMATWA

Image
 Na,Agnes Mambo,Tanga. Jeshi la Polisi Mkoani Tanga limewakamata watuhumiwa 42 wanaohusishwa na matukio mbalimbali ya uporaji, umiliki wa dawa za kulevya, pamoja na pikipiki zisizosajiliwa na mafuta yanayodhaniwa kuwa ya magendo. Operesheni hiyo iliyoanza Juni 15, ni juhudi mpya za vyombo vya dola kusafisha jiji dhidi ya ongezeko la vitendo vya kihalifu. Akizungumza na waandishi wa habari ofisini kwake Jumanne, Kamanda wa Polisi Mkoa wa Tanga, Kamishna Msaidizi wa Polisi (ACP) Almachius Muchunguzi, alisema watuhumiwa hao walikamatwa katika operesheni maalum inayoendelea inayolenga maeneo yenye viashiria vya uhalifu jijini. Miongoni mwa waliokamatwa ni watu watano wanaoshukiwa kumvamia na kumpora kwa nguvu Katwibu Siraji, mwalimu wa Shule ya Sekondari Postal. Watuhumiwa hao wanadaiwa kumpiga na kuiba simu ya mkononi ya mwalimu huyo, tukio lililozua taharuki miongoni mwa wananchi na kuongeza shinikizo kwa polisi kuchukua hatua. Kamanda Muchunguzi alikiri kuwepo kwa ongezeko la visa v...
Read more

PJT-MMMAM YAWEZESHA UANZISHWAJI WA VITUO 206 VYA MALEZI YA WATOTO WADOGO

Image
OR-TAMISEMI Serikali kupitia Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) imefanikiwa kuanzisha vituo 206 vya kijamii vya kulelea watoto wadogo mchana na kusajili vituo binafsi 4,178 nchi nzima tangu mwaka 2021. Akizungumza kwa niaba ya Waziri wa Nchi, Ofisi ya Rais – TAMISEMI, Mhe. Mohamed Mchengerwa, Mkuu wa Mkoa wa Mwanza, Mhe. Said Mtanda, amesema vituo hivyo vinahudumia jumla ya watoto 11,675 huku vya binafsi vikihudumia watoto 6,154. Aidha, jumla ya walezi 445 wamepatiwa mafunzo ya malezi na makuzi ili kuhakikisha utoaji bora wa huduma katika vituo hivyo. Mtanda alisisitiza kuwa uwekezaji katika malezi ya awali ni msingi wa kukuza rasilimali watu yenye tija kwa familia na taifa kwa ujumla. Kwa upande wake, Mwakilishi wa Naibu Katibu Mkuu Wizara ya Maendeleo ya Jamii, Bw. Sebastian Kitiku, amesema mkutano wa tathmini wa siku mbili unawaleta pamoja Maafisa Lishe kutoka Tanzania Bara na Zanzibar pamoja na wadau wa maendeleo ili kujadili maf...
Read more